মনবী
রিজেং চাকমা
জুম চাগালাত তোন তোগে দং
নানা বাবত্তে শাক-পাত লই
বুগী বরে দং।
মনবী তুই কাই ন'তেলে
চিক্ চিক্কে লাগেদে।
তুই যনি ন'তাস্ জুমানত্
শাক-পাত ফল পাগর
বুরো হই মুরি যান।
মনবী যনি তাস্
জুম বুগত্
জুমান ওই উদে উদে তজ্ তাজা
ফুল ফুদোন দোল গুরি।
মনবী তুই তেলে
ত কোচ্'পানা লই
দোল দোল ওই উদে
আমা এ জুমান।
মনবী হুদু তুই
জুমান আন্দার ওই যার
আই যেই জুমত্
আন্দার আমি হাজেওই।
তর্ মর্ অতালেয়ে
কোচ্'পানা চিদি দিওই
জুম চাগালার
এহ্ল্ ঝার বুগোত।
কোচ্'পেলে এজ্
কোচ্'পেলে এজ্ চিঝি
দিম তরে কোচ্'পানা
গম পেলে এবে গাবুরী
দিম তরে গমপানা।
কোচ্'পেলে এবে চিঝি
ধনপুদি সাঝি
গমপেলে এজ্ চিঝি
সাঝি মনবী।
কোচ্'পেলে এবে তুই
কোচ্'পেলে এবে তুই
আহ্ওচ্ নিনেই
গম লাগিলি এজ্ তুই
মনান সাঝেনেই।
তত্তে রাগে দিম
জনম্ ধরেই
মনান দিম সাঝেই
ঝাড়বো ফুল নিনেই।
আওজ নিনেই বাজ্জে তেম্
জু'ম ঘরত্ বনেই
প'দ হিত্তে চেম্ রিনি ঠিগুত ঠিগুত
তুই এবে রুবে রঙে সাঝিনেই।
.jpeg)
No comments:
Jhu Jhu
Welcome to my blog. I don't know how much my blog will help you. Can not help as you like? Let me know your choice in the comments to get your choice. I will try to give your favorite poems and books. Thank you for coming to my blog, come back .