.jpeg "Chakma Kobita")
কন্না থান্ পেব
তরুন কুমার চাকমা
দিনুন কাদাকাত্যা
পথান চিবাচিপ্যা
কন্ কালত পলঙগি,
কুচ্ দিল্যা বিজোল মাদি
উজেলে এগ'জা দেল দেলী ।
আগ' দিন নেই আর কারর
বদরম বেগর ফুরেইয়ে
গুর’লগে ন ধরান্ আর
বুড়'গুনর বল্লা থূম অইয়ে ৷
জাদ মাধাত্ লাদি
অজাদ'মাধাত ছাদি
ৎবিজিরেলে থোগেই পায়
তেব্ ন পয্যা ধাগ’কধানি।
খানাত জাগুলুক্ কধা কদে জাগুলুক
পধে পধে জাগুলুক্
পিথীমিয়ান থুম্ অই এজের
অইয়ে মানেয়র মনানি কুলুক ।
বান্দরে ধান সুগ'না রোদ
মেঁ মেঁ ছাগোলী ভাঁ
দীও কোন্ কি দারু লাগে
ন চিনন্ তোংগাদানা ।
সুগর' চিগিদ্যাং নেই আর
খাদে খাদে বেক্ অইয়ন আক্কেং
পরেইয়া কধানি কধে কধে
নিজ কধানিত বান্যা গেরেং ।
হাবিলেচ খেবার জাগা নেই
মানুচ ভেঙেই আর কি অব
মুজুন' পেগত্ গাড়া গেলে গোই
র-সারি ডাগিল্যা কন্যা থান্ পেব' ।
No comments:
Jhu Jhu
Welcome to my blog. I don't know how much my blog will help you. Can not help as you like? Let me know your choice in the comments to get your choice. I will try to give your favorite poems and books. Thank you for coming to my blog, come back .