শেষ্ দেঘা
রিজেং চাকমা
এক দিন আদিক্যে খাগাড়াছড়ি বেরা যেনেই দেঘা পেলুঙ ইক্কো দোল মিলে।মাত্তর কধা হয় নপারং।তারে দেঘি বানা আমক ঔ সে তেলুং চো'ঘ পাদা পেল্ পেল্ গরি।মাত্তর এবার হাদাল্লে এক্কান সিগোন কাগজ্ আহ্দত্ দি'ল ধরেই।লেগিল তেও..........
ও দা কি দিগিলে তুই?
এদক আহ্'মক্ ঔ
চোঘ পেল্ পেল্ গরি
রিনি সেই তেলে মে।
এদক কিয়া চেলে সেয়ান্নে গরি
যানে লাজেয়ুঙ মুই
ম সমারুনেও হদন্ মরে
সিনোঙ নাহি মুই।
মাত্তর হিচ্ছু নহং মুই
এনে লাক্কে তরে চেনা চেনা
হেজেনি হুদু দেক্খুঙ কি না।
ইদ্ধুর লেঘি ধুজে দে তে।মাত্তর তা চিন্ নপেলুঙ।আজা গচ্ছুঙ তা চিন্ আন লেঘি দে।মাত্তর চিন্ নদে বানা জোব্ চেয়েদে।তারে দেক্খুঙ ধরি মনানত কি উদে কি পরের উদো নেই।মনানে হইদে নিত্ত তারে যনি কাই পেদুং।মনানত বানা তা কধা।হেজেনি দ কি হল মনান মর্, আ'র হমলে পেম্ দেঘা তার।সেদিন্নে রেদত্ ঘুম যেই নপারংর তেনে মুইও লিগিলুং চিদি লাগত্ পেলে দিম্ বিলি।
ও মর্ আহ্ওজর বোন্নুয়া
ত চিন্ মরে এক্কা হবে না?
তরে দেঘি মনান দ মর্
নেই আর ম ইদু
তর্ হজমা আহ্জি দেঘি
বাজি রয়ে ত সিদু।
ঘুম নেই দি চোঘে
বানা ত কধা মনত উদে
চোঘে মুখে বানা তুই
তুই মর্ স্ববনর ধনপুদি।
এদুং সাং পেদুং সাং তরে কাই
এবেনি বোন শুনিবেনি ম মনর কধা?
পত্তম দেঘি তরেও বোন
ভারি গরি কোচ্'পেয়ুং
তরেও সাং লগে তবার
এজাল দেগি এ মনানরে।
ইদ্ধুর লেঘি কোন মতে ঘুম গেলুং।বেন্নি উদি মামা-বাবা দাগদন্ চিত্তিবো চিত্তিবো গরি।হিল্লি রাঙামাত্য যেবে কি তোন-পাত্ নেযেবে আই তাক্কে থুবো গরি ত।পুরি পেলেলেগই দোলে দালে খেই পেবেগোই সে।ত বাবর হাজার টেঙা আগন্ কিনি কিনি খেদেগোই।দিন্ন তোন-পাত তগেলুং জারে জারে বনে বনে।বিল্লি মাদান সমাজ্জেউনদোই দেঘা অলুং ঔ।তার কিল্লি বেন্নি বোডত্ উদি গেলুং রাঙামাত্য।দিন দিন বানা তা কধা ভাবি ভাবি তাং।লেঘা পড়াত মন বজে ন'পারং।ইন্দি মুজুঙে মাজত্ ফাইনাল পরীক্কে অ'ব কলেজতুন জানেই দোন্।সে হুরে হুরে আ'র এজের চিবর্ দান।হেজেনি কি অ'ব ভাবি ভাবি কুল্ ন'পাং।
দিনুন যাদন্ চিবর্ দান এ'ল নভেম্বর মাজর্ ৮ তারিখ গেলং সমার বদি বেইন বুনো সা।যাদে যাদে প'দ সংভাগে কিয়েত্ বাজি গে'ল পরানত্ লাক্কে গাবুরী।মাত্তর মুই তারে লিক্কে চিদি আন আনিবের্ পুরি পেইলোঙ।রিনি সে থাক্কে মাদেবার ও পুরি পেইলোঙ।সমাজ্জে লগে হুত্তেই হলাক কি হলদে তর্ এদক্ আমক্ হই কারেও সেই আগজ্।দেঘেই দিলুঙ সমার লগরে পিজোর গরিলুঙ চিনোন্ নাহি।ইক্কো চিনে বিলি হল মাত্তর হুদু তাই হয় ন'পারে।তার্ নাঙ বিলি চিজিবি রাঙামাত্য কলেজত অনার্স ১বজরত্ পরে।কয়েদিন কলেজত্ তোগেই চেলুঙ দেঘা নপেলুং।মর্ পরীক্কে আরগানি অ'ল দেঘদে দেঘদে থুম অ'ল।মাত্তর্ মনানত নিত্ত তা কধা উদে আর পরে।বই পরি ন'পারং তার চিদে চিদেই হেজেনি পরীক্কেত পাস গরিম্ না ন'গরিম্।ঘরত্ এলুং কয়ইক্কো দিনল্লাই মাত্তর্ বেচ্ তেই ন'পারলুং তার চিধাই চিধাই।একদিন গেলুঙ বনরুপা বাজার দেঘিলুঙ তারে তেও দেঘি মরে এক রিনি ঔ সেই আগে।ম লিক্কে চিদি আনও দিলুঙ ভাবেই তারে।পিজোর গল্লুং হুদু তাই তে।হল মরে তে দেবাশীষ নগর তাই।সে পর্ আর্ কধা হয় ন'পার'ল তা পিজিমা তারে দাগি'ল।যা ওক্ চিন্ আন্ জানি পাচ্ছোং।দি দিন পরে কিয়ংত্ গেলুঙ বাত্তি আঙা লাগত্ পেলুঙ তারে সমাজ্জে লগে দি জনে এক কিত্তে দি গা'ছ ছাবাত্ বুজি কধা হলং।
ও দা ত নামান জানিবার সাং
হবেনা এক্কানা?
মনান নিত্ত বির্'বিরাই জানিবাত্তে
তো চিন্ পুজ্জে আন।
সুন সালেক্ চিক্ হং মুই
বাবা নানাঙ ও পুণ্যধন
মামা নানাঙ পুণ্যবী
বাবা গরে কারবারি
মামা তাই ঘর ছুবি।
তারা দিজনর্ এক্কুয়া পো
মুই ওলুং চিত্তিবো।
আদামান অ'ল মর্ কাজলং বাম
জীবতলী নাঙ বিলি।
সুন্ সালেন্ দাদো মর্ চিন্
নানাঙ মর চিজিবি
আদর গরি মা বাবে দাগন্
মরেও চিজি চিজি গরি।
আদামন মর্ রাঙামাত্য সদর
দেবাশীষ নগর নাঙ বিলি
বাবা ঘরে সরকারী চাকরি
মামা তাই ঘর আরি।
তারা দি জনর্ আদরর্
এক্কুয়া জি মুই।
পরংর লেঘা রাঙামাত্য কলেজত্
অনার্স ২ বজরত্
তে দাদো তুই কি গরচ্?
মুই এ বজর্ দিলুং ফাইনাল পরীকখে
এ বজর্ যনি পাস গরং
গরিম মুই বিএ পাস্
গোজেনদু বর মাগী দিচ্ মত্তাই।
অদে দাদো দিম্ আই মাগী বর
তুইও মত্তে মাগী দিচ্
মর্ ও এজেল মুজুঙে পরীকখে।
তা সমার লক্কুনে দাগদন্ যেবাক্কোই ঘরত্।তাক্ সালেন দাদো পরে আ'র কধা অ'ব।যনি হিচ্ছু হবার মনে হয় চিদি লিগি পাদেলে অ'ব।অদে হনেই দিলুঙ ইরি সে তেলুঙ বানা চোঘ পাদা ন'পেলেয়ে গুরি।
রেত্ত চিধে চিধে ঘুম নহ'ল।বেন্নে উদি ঘরত্ লর্ দিলুঙ,ঘরত্ লুমি সাং এ বাবা আর নেই।বাবা তেং তান্নে আমারে ফেলেই যেয়েগোই।বাবারে শেষ্ দেঘা এজান গরি দেঘিমবি আজা নগরং।বাবারে জ্বালেই সাতদিন্নে দি দিলোঙ।মা গাই গাই ঔ গে'ল।ম জীংহানিত্ দুঘর্ ছাবা লামি এ'ল।মনানত্ কিচ্ছু গম নলাগে আর বানা চিক্ চিক্কে লাগেদে।সমার ল'গ সমারেও মিজিবার মনে নহয়।ইন্দি চিজিবি হেজান অ'ল হেজেনি নিত্ত মনত্ উদে পরে।মামারে হলুঙ পরসু রাঙামাত্য ফিরিম বিলি।মামা ইরি দিল তোন-পাত জুগুলে দে রাঙামাত্য আনিবাত্তে।এলুঙ রাঙামাত্য গাই গাই ঘরত্ আগং হাক্কন পরে চিজিবি সমার বু দাগেললি দাদা দাদা গরি।সমত্ দিলুঙ কিত্তে নাহি উদো ললুঙ।এদক্ দিন হুদু যেয়ুচ্ তরে নদেঘং? ঘরত্ যেয়ুং বাবা অসুক। ও তে জিদু ইক্কে হেজান আগে? নেই আর আমারে ফেলে যেয়েগোই।বাবা আমারে এম্বা যাদি ফেলে যেব ভাবি ন'পারং। সিয়ান শুনি তেও মনত্ দুঘ্ পেয়ে কি হবাত্তে এচ্ছে কোই ন'পারে।দ্বি দিন গে'ল সে মনানরে ঠিগত্ বজেই নপারংর।ঠিক্ গরলুং কিল্লি বিল্লি মাদান বাত্তি আঙা যেম্ বা উদিজে।গেলুঙ সমার লক্ লাঘ্ পেলুঙ।উদো লদন, ভেই এদক্ দিন হুদু যেওচ্ তর্ দ দেঘা নপাই আর না কি বানা চিজিবি পুনে পুনে তাচ্।তারারে বুঝেলুঙ নয় দ বা নেই ঘরত্ যেই পেয়ুঙ, কি আর গত্তুং মনত্ গম নলাগে।ও আদ্ আমি খবর নপেলং জিদু নেই দি, কি অসুক এ'ল নাহি? অদে অসুক এ'ল দ। তে ডাক্টর ন দে'ঘ? নাদে টেঙা অভাবে ডাক্টর দেঘে ন'পারি।মুইও জেদা লাক্ নপাং ঐ, ম সমার ইক্কো সাম্বাদ হয় দেঘি মুই রেত্তু পুরি বেন্নে যেই লাগত্ ন'পেলুং।ঠিক আগে সমার লক্ রেত্ও অর্ আ'র লাঘত্ পা পি অবং আই।সিত্তুন ফিরি চিজিবি সমার বু দাঘের্ চিদি এক্কান দে চিজিবি।
হয়দিন দা তোগেয়ুং তরে
দেঘা নপাং তর্
মনে মনে ভাবপোং
হুদু গেলে পেম্।
আদিক্যে গরি শুনিলুঙ
তর্ বাবা নাহি মজ্জে
সাম্বাদ শুনি ভারি দুঘ পেলুঙ
কি অ'ব তর্ ইক্কে।
মনত্ দুঘ্ ন'আনিজ দা তুই
সময় এলে যা পরিবো বেগত্তুন্
তর্ মনত্ দুঘর্ কধা শুনি
কয় নপারংর মর্ কধানি
কোচ্'পানা আহ্ ভালেদি জানেই
ইচ্ছে ইয়োত্ দিলুঙ ধুজেই
গম তেচ্ তবনা গরং গোজেনত্তুন।
মুইও লিগিলুং তারে
মন দ ন মানে
কি আর গরানা
যেদক্ মনত্ উদে
সেদক্ লাগে সারা সারা।
ও চিজিবি হেজান আগজ্ তুই?
সময় যনি পাচ্ দেঘা দিচ্ছি
কিল্লি বিল্লি মাদান কিয়ংত
বাত্তি আঙেচ্ছি।
এচ্ছে মুইও ধুজে দিলুঙ
গোজেনদু তবনা গরলুং
সুঘে থেদে বিলি।
মনে মনে ঠিক্ গুরিলুং কিল্লি চিজিবিরে ম মনর্ কধানি খুলি হোম বিলি।মনত্ এক্কা খুজি খুজি লাগি'ল।মাত্তর বিল্লি মাদান কিয়ংত যেই বাচ্ছে আগং তারে বেল্ ডুবেল্লোই সাজন্যে এজের তার এ'ব দেঘা নেই।কি অ'ল মনান চত্পত্ গরের,মুই গেলেগোই তে যনি এযে লাঘত্ ন'পেবঘি।রেত্ বেচ্ অর্ ঘরত্ ফিরি গেলুঙ।তা সমার বত্তুন উদো ললুঙ চিজিবির কি উয়ে উদো পায় নাহি।চিজিবি তর্'লই দেঘা গরা এত্তে গারি একসিডেন্ট ওয়ে, হাজপাতাল নেযেয়ুন বাজে ন বাজে ঠিক নেই।আ কি এদক্ পাপ গরিলুঙ বাবারে আরেলুঙ যারে কোচ্'পেবার সেলুঙ এচ্ছে তেও মরে বাজে খবর্ নেই।চিধে চিধে রেত্ত ঘুম যেই ন'পারং, বিন্নি চোঘ্ পুলো পুলো গুরি হাজপাতাল গেলুং চিজিবিরে চেবাত্তে।মাত্তর বানা মরাবু চেই পেলুঙ কোচ্'পানার কধানি শুনেই ন পারিলুঙ । শেষ্ দেঘা যে এয়ান্নে গরি দিঘিম আজা গরি ন পারং।
থুম্ থুম্ থুম্
শেষ্ দেঘা চাকমাদের একটি ছোট গল্প ।
Dol ekko golpo
ReplyDelete