বেহুব
টোটো চাঙমা
কিয়োর আওচ উমোর বারোক,
শত বজর বাজিবার।
কারোর আওচ নিত্তো কুম্বিচ,
গায়রে গায় মুরিবার।
পীরে দুচ্ছেবোয় ছদপদাত্তে -
কেনে গম ওম যাদি।
বেহুপ্পোয় ইন্দি থোগার তেও,
বচ যেবারলোয় মাদি।
হান গোরুয়ে হিয়া ন বুঝোন,
মরণ মানে কি সমাধান?
অনত্থক, আত্থে তুম গরানা,
বেগত্তুন দামী পরানান।
সুক সমারে দুঃক ও আগে,
কানানা লগে আহঝি।
গমানি আমি থোগেয় লোয় পেবঙ,
মানুষ ও তান বেজ পাহঝি।
মদ খেলে কিয়া মাত্তল অনা,
জুও খেলানা কিত্তেয়।
পেলাঙ বেয়ে সম্পদ যার আগে,
জুও অহ্লদে তাত্তেয়।
খেয় ন পুরে, দান ন গরে-
যারে কোয়ে কুলি।
এ সিগুনে নাথ দিনেদি,
লুক দি যান্দোই মুরি।
বেহুবর সংসার আন্ধার,
এ সিগুনরে না কয়।
নিজো পরানান দোয়ে নেই যার,
সিবেই বেহুব অয়।
কোন মন্তব্য নেই:
Jhu Jhu
Welcome to my blog. I don't know how much my blog will help you. Can not help as you like? Let me know your choice in the comments to get your choice. I will try to give your favorite poems and books. Thank you for coming to my blog, come back .